Khutbah Idul Adha Berbahasa Bugis

 

KHUTBAH IDUL ADHA 

اَلسَّلاَمُ عَلَيْكُمْ وَرَحْمَةُ اللهِ وَبَرَكَاتُهُ

اَللهُ اَكْبَرُ اَللهُ اَكْبَرُ اَللهُ اَكْبَرُ اَللهُ اَكْبَرُ اَللهُ اَكْبَرُ اَللهُ اَكْبَرُ اَللهُ اَكْبَرُ اَللهُ اَكْبَرُ اَللهُ اَكْبَرُ, اَللهُ اَكْبَرْكَبِيْرًا وَالْحَمْدُ لِلهِ كَثِيْرًا وَسُبْحَانَ اللهِ بُكْرَةً وَاَصِيْلًا, لَاإِلَهَ اِلَّا اللهُ وَحْدَهُ صَدَقَ وَعْدَهُ وَنَصَرَ عَبْدَهُ وَاَعَزَّجُنْدَهُ وَهَزَمَ الْأَحْزَابَ وَحْدَهُ لَا إِلَهَ إِلَّا اللهُ وَلَا نَعْبُدُ إِلَّا إِيَّاهُ مُخْلِصِيْنَ لَهُ الدِّيْنَ وَلَوْ كَرِهَ الْكَافِرُوْنَ. اَللهُ اَكْبَرُوَلِلهِ الْحَمْدُ

اَلْحَمْدُ لِلهِ الَّذِى فَرَضَ الْحَجَّ عَلَى عِبَادِهِ إِلَى بَيْتِهِ الْحَرَامِ. اَشْهَدُ اَنْ لَاَإِلَهَ إِلّاَ اللهُ وَحْدَهُ لَاشَرِيْكَ لَهُ وَاَشْهَدُ اَنَّ مُحَمَّدًا عَبْدُهُ وَرَسُوْلُهُ . اَلّلهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى اَلِهِ وَأَصْحَابِهِ اَجْمَعِيْنَ . اَمَّا بَعْدُ

مَعَاشِرَ الْمُسْلِمِيْنَ رَحِمَكُمُ اللهُ اُوْصِيْكُمْ وَاِيَّايَ بِتَقْوَى اللهِ وَطَاعَتِهِ لَعَلَّكُمْ تُرْحَمُوْنَ. فَقَدْقَالَ اللهُ تَعَالَى فِى الْقُرْآنِ الْكَرِيْمِ وَهُوَ اَصْدَقُ الْقَاَئِلِيْنَ اَعُوْذُ بِااللهِ مِنَ الشَّيْطَانِ الرَّجِيْمِ بِسْمِ اللهِ الرَّحْمَنِ الرَّحِيْمِ . إِنَّآاَعْطَيْنَاكَ الْكَوْثَرَ.فَصَلِّ لِرَبِّكَ وَانْحَرْ.إِنَّ شَانئَكَ هُوَالْأَبْتَرُ. صَدَقَ اللهُ لْعَظِيْمِ وَصَدَقَ رَسُوْلُهُ النَّبِيُّ الْكَرِيْمِ وَنَحْنُ عَلَى ذَالِكَ مِنَ الشَّاهِدِيْنَ وَالذَاكِرِيْنَ وَالْحَمْدُلِلهِ رَبِّ الْعَالَمِيْنَ 

Sining umma' selleng malebbi'. padalaonimai patarakkai asukkurukeng tenringangkata lao risese arajanna puang Allah Ta’ala, nasaba pada engkata mopa pada riwereng asagenangeng ri lalenna iyaewe esso marajae, nasaba asaukininnawangeng. Tenrisedding assisalenna essoe nawennie, tajangnge nennia pettangnge, pellae nennia kecce’e, nyamenge enrengenge naparrie, sau kininnawae nasara ininnawae mancaji bukti, pappannesa, papparingerrang riikkeng rupa taue makkeda:

1.   Rewettu tuwota engka sewwa wettu matti napoleiki amateng

2.   Riwettu madisitta bajae sangadie napoleiki lasa

3.   Riwettu malolota engka sewwa wettu napoleiki atowangeng

4.   Riwettu mawatatta bajae sangadie napoleiki alemmangeng.

اَللهُ اَكْبَر اَللهُ اَكْبَر اَللهُ اَكْبَر وَلِلهِ الْحَمْدُ

Labe'ni uleng ramalang, uleng tampuenggi rokong maeppa'na agama assellenge iyyanaritu puasae nainappa rirowasi nasaba alleppereng pittara, sikira-kira asukkurukeng lao risese arajanna puang Alaah Ta’ala. makkukkuangge, takkapposi uleng zulhajji tampuengngi rokong malimanna agama asellengnge iyyanaritu hajjie iya engkae riroasi iyaewe essoe nasaba alleppereng karobang, rigau engkata pada sipakario rennu, siduppa mata, siruntu rupa, rupa mapaccing naca'dio-rio, napakkua apentingenna nennia alebbiranna rihadereki allepperengnge. Nasaba engkai mairo riolo nabitta Muhammad Saw, nasuro maneng taue lao ri onrong allaperengnge, orowane makkunrai, anana tomatoa, ya keppaha namauni makunrai maddara uleng pulengnge.

Iyaewe essoe saisai esso marajata, esso nonroiyye sita rupa tau siabelangnge, saisa toi esso malebbi, esso nonroiyye siaddampengeng, tau sisala-salae tau siboko-bokorie padana mabbali bola, tau sibacci-baccie padanna massahaba', tau sisereatie padana massilessureng, tau si pau-pau ri monrie padanna massikampong, siuja-ujae padanna umma selleng. Nari makkuannaro de nasitinaja engkaki rota-rotaki iyaewe esso mafaccingnge nasaba assi boko-bokoreng iya mompoe ripallawengenna tau mabbali bolae, siajitta paimeng makkutofaro sikampotta. Nabacci puang Allah ta'ala tau iya pettuengi assisompunna padana rupa tau rimonri purana sisompung. Ritanro-tanroi ri puang Allah ta'ala tau solangiengi assisompungenna rimunri purana napadecengi. pada laoni mai malai barakka'na iyaewe essoe nasaba assiyamaseng-maseang. Insya Allah engkatoni puang Allah taala makkamase lao riikkeng, nasaba natimpa'na puang Allah taala barakka'na tanae nennia napatabbolo-bolo toi barakka'na langie

اَللهُ اَكْبَر اَللهُ اَكْبَر اَللهُ اَكْبَر وَلِلهِ الْحَمْدُ

Kejajiang toi iyyae essoe, maddatu sebbu umma selleng orowane makkunrai, iya enkae toto'na makkulle menre papolei pakkasiwiyang hajjie. Makkedai puang Allah ta’ala rilalenna

akorang malebbi'e:

وَلِلهِ عَلَى النَّاسِ حِجُّ الْبَيْتِ مَنِ اسْتَطَاعَ اِلَيْهِ سَبِيْلًا

Bettuanna: Napperelluangngi puang Allah Ta’ala masse'rirupa taue menre' hajji ribaitullae, risesena tau paullewe waramparang nennia paullewe watakkale molai lalenna koritu.

Iyae essoe pada engkani takkappo rimina, rimonri purana wokkofo ripadang arafah. Rigau engkana mallai-laingeng apolenganna, bahasana, suku bangsana, enrengnge topa paimeng tappana. Tenripassalaingeng tau bolong tau pute, tomalolo tomatoa, orowane makkunrai, tau sogi tau kasi-yasi, ana'guru punggawa, ra'ya enrengnge pamarentah

اِنَّ أَكْرَمَكُمْ عِنْدَ اللهِ اَتْقَى كُمْ

(Iya kaminang malebbie risesena Puang Allah Ta’ala iyanaritu tau kaminang maegae tau'na ripuang Allah Ta’ala). Pada engkani kuritu masseddi pakeyang, sirupa mapute sebagai tanra mapaccing, pada nasalaiwi keluargana, sompung lolona, wija-wijanna, warang-paranna, nennia wanua ancajingenna. Rigau engkana pada masseddi ati, lila mappuada, ati mappattongeng, lanroale mappogau, seddi ateka, seddi tujuan. De'gaga nakkattai sangngadinna paddupai pangobbi'na Fuang Allah Ta’ala.

لَبَّيْكَ اللَّهُمَّ لَبَّيْك, لَبَّيْكَ لاَشَرِيْكَ لَكَ لَبَّيْك, اِنَّ الْحَمْدَ وَالنِّعْمَةَ لَكَ وَالْمُلْك لاَشَرِيْكَ لَك

Ufe'paha nennia alabangeppaha nappunnai tau engkae pasilennarengngi pakkasiwiang hajjie, rigau engkana Fuang Allah Swt simata-mata nakkattai. Makkedai Nabitta Muhammad Saw :

اَلْحَجُّ الْمَبْرُوْرُ لَيْسَ لَهُ جَزَاءٌإِلَّااْلجَنَّةِ

Bettuanna: Naiya hajji ritarimae de gaga pamale'na sangngadinna suruga nasaba pammasena Fuang Allah Ta’ala.

Narimakkuannanaro sibole-boleta mapperri-perri pafolei pakkasiwiyang hajjie narekko engkana maka, enrengnge engkatona pakkulleng nasaba nigana missengngi takko engkagamanna halangang lawaiki, makkedai Nabitta Muhammad Saw :

تَعَجَّلُوْا اِلَى الْحَجِّ فَاِنَّ اَحَدَكُمْ لَايَدْرِى مَايَعْرِضُ لَهُ

Bettuanna: Sibole-bolemutu mennang mapperri-perri pafolei pakkasiwiyang hajjie nasaba ripallawangemmutu de'gaga missengngi takko engkagamma halangang lawaiki.

Makkutofaro faimeng, iyaro de'pa gaga werena menre' hajji iyae taungnge, aja topetturennu ripammasena Fuang Allah ta'ala, nasaba pangelorenna, engkatu hikmah natampu rilalenna. Wedding jaji taung paimeng lebbi makessingngi na iyae taungnge. Enrengnge tofa faimeng, enka nengka iyaro niya'e lebbi makessingngi naiyya lao'e. Narekko iyaro lao'e, lao lao bawangmi, bettuanna adae de'gaga lise'na hajjina, yare'ga de'naissengngi hakikinna hajjie.

اَللهُ اَكْبَر اَللهُ اَكْبَر اَللهُ اَكْبَر وَلِلهِ الْحَمْدُ

Saisa tofi peristiwa maraja natampu iyae essoe, esso alleppereng karobang, iyanaritu peristiwa yang pernah terjadi ri fangulutta Nabi Ibarahim Alaihissalam. Bagaimana besar pengorbanan, dan betapa berat cobaan dan ujian yang pernah dialaminya. Engka nengka nakkaroba Nabi Ibarahim 1.000 bambe, 300 saping, 100 unta riona bawang Fuang Allah ta'ala nakkattai. Aga nakkeda Nabi Ibrahim; "iyaro purae wakkarobang temmaka ringenna riseseku". Nainappasi makkedai:

وَلِلهِ لَوْ كَانَ لِى إِبْنٌ لَأَذْ بَحَنَّهُ فِى سَبِيْلِ اللهِ

Bettuanna: Naengkai fuang Allah ta’ala, bennengnge engka kufunnai ana’ namauni ana’ku wakkarobang to rilaleng nafurioe Fuang Allah ta’ala

Naritellana Nabi Ibrahim Alaihissalam ambo’na tau malaboe, nafakkua bessana. Rirampei rilalenna seddie riwaya' makkedae: iyaro Nabi Ibrahim mappulo- pulo taunni purana botting nade'pa gaga wijanna/ana'na. Aga nillau doangna rifuang Allah ta'ala makkedae:

رَبِّ هَبْلِى مِنَ الصَّا لِحِيْنَ

Bettuanna :E.....Puang tapakkidallerengnga kasi wija-wija shaleh.

Aga naritarimana hajja'na Nabi Ibrahim rifuang Allah ta’ala, nariwerenna ana riyasengnge Ismail, wija shaleh, tunru' enrengnge sabbara, mattaung-taungeng napuminasa.

Sining Umma Selleng Malebbi' Engkae Hadere...!!!

Aga naricobana Nabi Ibrahim untuk gere'i ana'na iyya kaminang nafojie, ana’ sabbara, mengkalinga ada, matturu rifarentae, cayyana matanna, buana atinna, intang mabboromporongeng rahasiana, aruddaning temmappettunna, angolong temmabboko'na tubunna, masarro kessingnge tappana, manyameng kininnawae, nennia masarro mappojie ri ambo'na. sarekkoammengngi namannessa makkadae: kegaro masarro nafoji Nabi Ibrahim, ana'naga yare'ga farentana Fuang Allahu Ta’ala. Nasaba Nabi Ibrahim saisai tau matanre teppe'na nennia fappojinna rifuangnge. De' nakkeda aga, narekko parentana puang Allahu taala Mario marennui enrengnge sabbara'i tarimai sibawa madeceng. Iya manenna fappojie engka maneng faggangkanna, sangadinna fappojie lao ri Fuangnge. Agi-agi ripoji rilalenna iyewe lino narekko tania idi salaiwi, alena salaiki. Waramparange faimeng, nareko tania idi buru'i alena buru'ki.

Makkedai adanna topanritata fa hikmae "tellu sewwa-sewwa. Duwa kaminang ri foji temmaka nacaccata, nenniya seddi kaminang ricacca naekiya temmaka napojitta. Duwa kaminang rifoji temmaka nacaccata yanaritu keluargata nenniya waramaparata. Temmaka ripojina ri lino naekiya narekko mateki de'gaga bati-batiki. Keluargata paimeng nareko mateni', purani nalemme', nasalaini ale-ale ri laleng kubburu de'gaga duwakki, degaga belaki pole ri pakkutanana nenniya facallanna mungkar dan nakir. Sangadinna kaci' matunami bawang. Naiyyakia engka sewwa ri cacca natemmaka nafojitta yanaritu amala’ medecengnge, Iyatona yewa siraga-raga ri laleng kubburu, gangka folena esso kiyame'e. Padahal wettutta ri lino to mammatu' matu' pafolei, to makuttu- kuttu pegau'i.

اَللهُ اَكْبَر اَللهُ اَكْبَر اَللهُ اَكْبَر وَلِلهِ الْحَمْدُ

Naiya riwettu narafina umuru'na ismail 7 taung, engkato makkeda 12 taung, nannippini rilaleng tinro engka sadda naengkalinga makkeda: "E..... Ibrahim faddufani tinja'mu". Naiyyakiya Nabi Ibrahim riwettu naengkalinganaro saddae, simata mappikkiri mofi nenniya bata- batai aga iyaro farenta fole rifuang Allah ta'ala yare'ga fole risetangnge. Agana wettuero nasuro gere'na Nabi Ibrahim 100 kajunna bembe', nainappasi makkeda: "Furani upa'dupa tinja'ku". Wenni makaduanna mengkalingasi sadda makkeda: "E..... Ibrahim faddupfni tinja'mu iyaro marioloe". Gangkanna gere'si Nabi Ibrahim 100 kajunna unta macommoe untuk paleppe’i tinja'na. Wenni makatellunna mengkalingasi sadda makkeda: "Majeppu Fuang Allah ta'ala naparentaingekko garei ana'mu riyasengnge Ismail". Aga tallinge'na nenniya naingerrattoni tinja'na riwettu furana makkaroba 1400 kajunna olo'kolo.

Sininna Umma’ Selleng malebbi engkae hadere’

Naiya riwettu maelo'na faddufai tinja'na naolli'ni ana'na riyasengnge Ismail, nainappa napoadai makkeda

يَا بُنَيَّ إِنِّى أَرَى فِى الْمَنَامِ أَنِّى أَذْ بَحَكَ فَانْظُرْمَاذَاتَرَى

Bettuanna: E....... ana’ku (Ismail) majeppu uwitai rilalengtinroku, majeppu ugere’ko, pekkogi tangnga’mu.

Naekkiya Ismail saisa ana' turu' lao riambo'na, de, namalampe nawa-nawa, de, namalampe pikkiri, yakkeppaha matterru'mi mappebali nasaba ati macakka, ati macinnong, makkedae:

يَا أَبَتِى إِفْعَلْ مَاتُؤْمَرُسَتَجِدُنِى إِنْ شَآءَاللهُ مِنَ الصَّابِرِيْنَ

Bettuanna :E...... Ambo’ Tapaddupani Anu Naparentaengakki fuang Allah ta’ala. Mattipi Talolongengnga Saisa Tau Sabbara.

Naiya riwettu maelo'na Nabi Ibrahim tiwi'i ana'na, nafadanni baenena riyasengnge Sitti Hajar, bara'kuwammengngi naripapakei fakeyang kaminang makessingnge, akkatta maelo mahadereki seddie pesta, naseng Nabi Ibrahim nafadangngi baenena. Narimunri purana narifappakei fakeyang kaminang makessingnge, natiwi'ni ana'na ri onrong aggeresengnge, yanaritu riseddena Mina, naiya riwettu lettu'nana Nabi Ibrahim sibawa ana'na ri Mina, melo' gere'i ana'na, rimunri de'napa nagerei ana'na, mette'niritu Ismail lao ri ambo’na mappaseng makkeda:

E......... ambo’ku: sio’i iyae duae limakku, nenniya taroi masse’ fassio’ku sarekkuammengngi aja’ ukedo-kedo kasi’na riwettu tagere’ku.

E......... ambo’ku: fangngolo toi rufakku ritanae, sarekkuammengngi de’na masse babuata mitaka.

E......... ambo’ku: tajagai fakeatta, sarekkoammengngi de’na tappeccikki’ dara, gangkanna nakurangiwi appalakku, nennia sarekkuammengngi nade’ namesse’ babuana indo’ku narekko naitai daraku.

E......... ambo’ku: taroi matareng fisota nenniya tafagattiriwi narekko tagere’ka, sarekkoammengngi namalomo riseseku, na aja useddingngi akkanrena fisota.

E......... ambo’ku: tatiwi’i iyae matu’ fakeyakku lao ri indo’ku nalai sebagai kenang-kenangan ri yalena.

E....... ambo’ku: narekko lisuki matu’ lao ri indo’ku tafalettukengnga sellekku’ kasi’na riyalena, selleng fappassalama’ nenniya tasuroi sabbarakiwi enrengnge tarima madecengngi farentana fuang Allah ta’ala, barakkuemmengngi nalolongengngi suruga fammasena fuang Allah ta’ala, naokkopi matti risuruga nafasiruntu’ka fuang Allah ta’ala sibawa indo’ku.

E....... ambo’ku: aja taelorengngi anana’ orowane siumuru’ku lao ri sideppe’na indo’ku sabai namesse’ babuana lao ri iya, sibawa simata mafeddi atinna mengngerrangnga.

Ri monri furana nafada iyaro adae Ismail, aga nappesonana iya dua lao risese arajanna Fuang Allah Ta'ala, nenniya napalewu' toni ana'na rigau engkana titti, nafatadanni fisoe ri ellonna Ismail, naiyyakia makunrui fisoe cia makkanre riellonna Ismail, mette'ni Ismail lao riambo’na makkeda: "E ambo ku madodong ladde pakkulleatta napakkua pappojitta lao ri iya, gangkanna de'taullei pakkanrei fisoe ri ellokku". Natakko riobbi ri Fuang Allah Ta'ala makkeda:

يَا إِبْرَاهِيْمُ قَدْ صَدَقْتَ الرُّأْيَا اِنَّا كَذَالِكَ نَجْزِالْمُحْسِنِيْنً إِنَّ هَذَا لَهُوَ اْلبَلَؤُ الْمُبِيْنَ

Bettuanna: E..... Ibrahim majeppu mufaddupani nippimmu iya rifarentaingekko, majeppu makkuniro, riwerengngi famale’ sininna tau mappedecengnge, majeppu iyatu nippimmu mancaji manenni faccoba risesemu.

Nasaba raja akuasanna Fuang Allah Ta'ala, nenniya de'nakkulle jaji de'e nafueloi, temmakkanre anu matarangnge, oli' tea sofe’, ure' tea pettu, juku tea nallari dara, nyawa tea labe' وَفَدَيْنَٰهُ بِذِبْحٍ عَظِيمٍ Aga naiselleina olo'kolo maraja pole risuruga, iyanaro matterru nagare Nabi Ibrahim, narifassalama' tona Ismail.

Sining Umma Selleng Malebbi Engkae Hadere...!!!

Okkoniro sitinajaki mattangnga nato sukkuru' nasaba magani kira-kira bennengnge idi' makkukkue ri farentang gerei ana'ta sikira-kira akkaroba, fadatoha Nabi Ibrahim. Yakkeppaha olo'kolo'mi fassellena, fada-fadanna: unta, safing, tedong, bembe, narilainnae koritu. Makkedai Fuang Allah ta'ala rilalenna akorang malebbi'e:

إِنَّآاَعْطَيْنَاكَ الْكَوْثَرَ.فَصَلِّ لِرَبِّكَ وَانْحَرْ

Bettuanna :Majeppu fura riwerekko tumennang fammase maega, narimakkuannanaro tettongengngi sempajengnge, nenniya akkarobangnge.

Naiyya tomi risuro makkaroba iyanaritu risesena tau engkae maka, nenniya tau masagenae makkaroba, nanigi-nigi tau engka asagenangenna makkaroba, nade' nakkaroba, makkedai Nabitta Muhammad Saw.

 مَنْ كَانَ لَهُ سَعَةً وَلَمْ يُضَحِّ فَلَا يَقْرَبَنَّ مُصَلَّانَا

Bettuanna: Nigi-nigi tau engka asagenangenna makkaroba, nade' nakkaroba rilalenna iyae wettue, aja'lalo nadepperiwi iyae onrong assempajengnge.

Samanna nacceanni Nabitta malleppe'. Iyatosi alebbirenna makkarobae makkedae nabitta Muhammad Saw:

اَلْاُضْعِيَّةُ لِصَحِبِهَا لِكُلِّ شَعْرَةٍ حَسَنَةٍ

Bettuanna: Naiyya tau makkarobae riwale’i ri fuang Allah ta’ala, tungke’-tungke’ tasseddie bulu-bulu seddi to deceng.

Ufe'paha nappunnai tau engkae makkaroba rilalenna iyae essoe, yare'ga baja, yare'ga nasangngadi, nasaba' engkani koritu lolongeng appalang malleppi-leppi fole rifuang Allah Ta'ala.

اَللهُ اَكْبَر اَللهُ اَكْبَر اَللهُ اَكْبَر وَلِلهِ الْحَمْدُ

Saisa toi hikmah iya engkae natampu iyae essoe, iyanaritu sarekkuammengngi engkaki siamase-masei fadatta tau rifancaji, Terutama riyamasei nenniya ri carinnai iyanaritu tau kasi-yasie lebbi-lebbi piha ana' biu-biue. Nasaba’ nigana maelo carinnai narekko tannia idi' tau masagenae, nasaba Nabitta Muhammad Saw, temmaka accarinnana ri tau kasi-yasie lebbi-lebbi'fi riana' biu-biu'e, narimakkuannanaro alaki contoh ri Nabitta Muhammad Saw. Batena maccarinna ri ana' biu-biu'e. Engka nengka sewwa wettu nallisu Nabitta fole massempajang alleppereng, natterruna pasillennerengngi aggeresenna, nainappa nabbage- bageang ritu ritau kasi-yasie. Nenniya nasappai anana' de'e gaga ambo’na, nalisuna lao ribolana, rigau engkana tudang takkajenne, pikkirikiwi tau duae pajajianna nenniya pikkirikiwi kasi'na afeddirenna ana' biu-biu'e, iya de'e gaga indo ambo’na maccarinnaiwi. De'na maetta tudanna, takko tamana wettu sempajeng assara'e, nallaona massempajeng assara berejama rimasiji'e nainappa matterru lao rikubburu'na tau duae fajajianna, riwettu lettu’na rikubburu'na tomatowanna, nabacangenni parellau doang, natakko engkamuna naengkalinga anana' simata terri tassenge'-senge' yase'na kubburue, aga naengkalingai sibawa madeceng ada engkae napoada lapong ana'. Naengkalingai makkada "E ....... Indoku nenniya E… ambo'ku alaNi kasi'na nyawaku, nasaba de'na gaga tau maelo ponroka ribolana, nasaba nasengnga anana' macilaka, anana' patula-tula, nasaba tega-tega wonroi okko toi engka tau mate, jaji magana kasi'na makukuae, tegana maddibola tega tona' manre, nasaba waramparang tasalaingekka pada nabage-bage maneng tau'e, de gaga nasesangekka kasi'na". Jaji wettuero nadepperini Nabitta lafong anana, natanai makkeda: "E ana' magi tumonro simata terri riyase'na kubburu'e, de'na mullisu ribolamu", nateppajana lafong anana’ tassenge’- senge' messe babuana riwettu de'na gaga maelo paddibolai nenniya riwettu de'na gaga tau maelo parengngi anre, nakkutanana paimeng Nabitta sikira-kira maelo pannessai atongeng-tongenna adanna lapong anana' riwettu makkedana: "Paccio'na indo' ambo' nasaba de'nagaga tau maelo paddibolaka". Jaji makkutana paimeng Nabitta makkedae: "tegai fale ambo'mu .."nappebalina lapong anana' makkeda: "sitaung rijajiakku namate ambo'ku de'na siaga ettana monroka sibawa indo'ku nappai umuru'ku 6 taung namatesi kasi' indo'ku nainappa nalaka neneku, sitaungnga sibola neneku lesusi kasi ri pammasena Fuang Allah Ta'ala, gangkanna nalasika amureku, 2 mpulenna' sibola matesi amureku kasi'na. Iyanaro saba'na engkaka makokoae temmaddibola, temmanre. Nasaba de'gaga tau maelo paddibolaka nasaba nasekka anana' macilaka, anana' patula-tula". Riwettu naengkalingana Nabitta kissa-kissana lapong anana, napolei Nabitta asse babua de'naseddingngi tetti wae matanna ri fili'na, nainappa nacapu- capu-ulunna lapong anana, aga nakkedana "Kurru sumange'mu na', aja mumasara' nyawa sabbara'ko fole rifaccobana Fuang Allah Ta'ala. Nasaba iya makkoto biasa, naseng tokka taue ana' macilaka, nenniya ana' patula-tula, nasaba nappaka ritampu matei ambo'ku, de'nasiaga ettana sibola indo'ku matesi indo'ku, monroka' ribolana neneku matesi neneku", jaji riwettuero nalani Nabitta lapong anana natiwi'i ribolana nafonroi naparakai sibawa madeceng. Narimakkuannanaro pada laoni mai natomallabo-labo ritau kasi-yasie, tau de'e gaga waramparanna, utamana ana' biu-biue, sikira-kira untu' faccaddio-rioi nenniya fasennangngi nyawana, nasaba nigana wedding fasennangngiwi narekko tannia idi engkae masagena. Makkedai Nabitta Muhammad Saw.

اَلسَّخِيُّ قَرِيْبٌ مِنَ النَّاسِ وَقَرِيْبٌ مِنَ الْجَنَّةِ وَقَرِيْبٌ مِنَ الله وَبَعِيْدٌ مِنَ النَّارِ. 

Bettuanna: Naiyya tau malaboe ripadanna rupa tau, macawe'i risuruga, macawe'i riPuang Allah Ta'ala, nenniya mabelai pole ri ranaka.

Sining Umma' Selleng Malebbi Engkae Hadere...!!!

Nafarellu toi tafahang makkedae, agaro gunana allepperengnge, gunana allepperengnge iyanaritu sarekkoammengngi engka tokki siallappereng dosa, yare'ga siaddempeng-dempangeng fole ri yamanenna atassalatta rifadatta rupa tau rifancajinna Fuang Allah Ta'ala. Fada laoni mai tofada siaddempeng-dempengeng na aja'ki gaga tampu'i ri laleng ati, nennia sibacci-bacci massijing, massilessureng, massilise kampong. Mappammula iyae essoe gangka mateta, nasaba nigi-nigi taue de' nasiewa ada lebbi fole ri tellung essoe namate mappunnai dosa battowa nerekko de'meneng nasiyaddampangeng. Iyae essoe, esso allepperengnge, naiyya mua akessingenna riyasengnge addampengeng, kuaetopa fada-fadannae: ra'yae mellau dampeng rifamarentana, ana' guru mellau addampeng rigurunna, bali bolae mellau dampeng ri bali bolana, anrie mellau dampeng rikakanna, bainewe mellau adampeng ri lakkainna, naiyakiya yang paling utama sekali iyanaritu : ana'e suju' mappakalebbi riolona duae tofajajianna atassalatta nenniya dosata. Nasaba riona Puang Allah Ta'ala okkoi riona tau duae fajajiyatta, :

 رِضَا اَللَّهِ فِي رِضَا اَلْوَالِدَيْنِ, وَسَخَطُ اَللَّهِ فِي سَخَطِ اَلْوَالِدَيْنِ

Bettuanna: Riona Puang Allah Ta'ala okkoi ri riona duae pajajiyatta, baccinna Puang Allah Ta'ala okkoi ri beccinna duae pajajiyatta

Nasaba tapikkirikini, magana bateta panrasa-rasai duae pajajiyatta, terutama indo'ta, sussana kasi'na, de'gaga fada-fada sussana riwettu natampu'ta, 9 ulenna monroki ribebbuana indo'ta, feddi'na kasi'na feddi'e, sussana kasi'na sussae, kega-kegai lao engkaki simata natiwi, gangkanna jajisiki, massu'ki fole bebbuana indo'ta. Riwetuero siaga egana ure'na indo'ta fettu, naiya nyawana wettuero taggattungi rifallawangenna langi'e na tanae, siwali ajena rilino siwali ajena ri kubburu'e, bettuanna cedde' bawang tassalana nalolongengngi yasengnge amateng. Agana jajisiki, batena maccarinna ri idi' namuni matengngang matinro, mettengangngi manre, narekko terrikki. Tennajampangi alena, moto’ lengeng ritinrona, luppe'i fole rionrong anrena mewaiki. Aga naengkana sesa' ana' malopponi, marajani, engkana awatangenna, engkana pakkulleanna, makkefangka'ni, makki warang paranni, samanna melo'ni luta'-luta'i duae tofajajianna, biasani nabali-bali tomatowanna, nagerra'-gerra'ni tomatowanna, nafojini passai tomatowanna, samanna napuata tomatowanna, naiya ana' rekkuwaero ana' madoraka fura de'naullei lolongengngi decenna lino, decenna akhera.

Feddi'pa kasi' lafottomatoa narekko funnai wija mabbali-bali, ana' paha tojo atinna, rifangngajari tennangkelinga, nengkalingasi tenna fegau'si, nafugau'si temmallaku-laku, tanranna ana' cilaka, ana' madoraka, ana' temmaturu' ri duae tofajajianna.

Makkedai nabitta Muhammad Saw:

اَلْجَنَّةُ تَحْتَ الْأَقْدَامِ الْأُمَّهَاتِ

Bettuanna : "Naiyya surugae koi ri yawa pele'kajena indo'e.

اَللهُ اَكْبَر اَللهُ اَكْبَر اَللهُ اَكْبَر وَلِلهِ الْحَمْدُ

Jadi fada laoni mai, natofada marellau doang rifuang Allahu Ta'ala, mangngoloangngi ati macinnotta, narifapolei jancitta, natommellau lempu riale mafaccinna Fuang Allahu Ta'ala makkedae : E ...... Fuang !!! engkaki maihe fura fasilennerengngi alleppereng karobae de gaga iyakkattai sangngadinna riota’mi fuang, barakkuammengngi naenceng teppe'e nennia tau'e lao ridi’ fuang, mamuare natoengkasi lolongengngi coppo'na decengnge ri atuwo-tuwotta, namamuare nariyakkatenni masse agama sellengnge, warekkang temmalare, bokong temmawari, namamuare selennerengngi Insya Allah. Nenniya nawerekki ajapa-jappangeng nenniya adisingeng sarekkuammangngi idafi'si uleng zulhijjah taung paimeng Insya Allah. Amin...Amin... Ya Rabbal Alamin.

بَارَكَ اللهُ لِى وَلَكُمْ فِى الْقُرْآنِ الكَرِيْمِ وَنَفَعَنِيِ وَإِيَّاكُمِ بِمَا فِهِ مِنَ الْآيَاتِ وَذِّكْرِ الْحَكِيْمِ وَتَقَبَّلَ مِنِّي وَ مِنْكُمْ إِنَّهُ هُوَ السَّمِيْعُ الْعَلِيْم                                                            

 

 

 

 

 

 

 

 

 

KHUTBAH KE-DUA

اَللهُ اَكْبَرُ اَللهُ اَكْبَرُ اَللهُ اَكْبَرُ اَللهُ اَكْبَرُ اَللهُ اَكْبَرُ اَللهُ اَكْبَرُ اَللهُ اَكْبَرُ, اَللهُ اَكْبَرْكَبِيْرًا وَالْحَمْدُ لِلهِ كَثِيْرًا وَسُبْحَانَ اللهِ بُكْرَةً وَاَصِيْلًا, لَاإِلَهَ اِلَّا اللهُ , اَللهُ اَكْبَرُ. اَللهُ اَكْبَرُوَلِلهِ الْحَمْدُ, اَلْحَمْدُ لِلهِ الَّذِىجَعَلَ الْأَعْيَادَ بِالْاَفْرَاحِ وَسُّرُوْرِ , وَضَاعَفَ لِلْمُتَّقِيْنَ جَزِيْلَ الْاُجُوْرِ , وَكَمَّلَ الضِّيَافَ فِى يَوْمِ الْعِيْدِ لِعُمُوْمِ الْمُؤْمِنِيْنَ بِسَعْيِهِمُ الْمَشْكُوْرِ. اَشْهَدُ اَنْ لَاَإِلَهَ إِلّاَ اللهُ وَحْدَهُ لَاشَرِيْكَ لَهُ وَاَشْهَدُ اَنَّ مُحَمَّدًا عَبْدُهُ وَرَسُوْلُهُ اَلْمَبْعُوْثُ رَحْمَةً لِلْعَالَمِيْنَ. اَلّلهُمَّ صَلِّ عَلَى سَيِّدِنَا مُحَمَّدٍ وَعَلَى اَلِهِ وَأَصْحَابِهِ اَجْمَعِيْنَ . اَمَّا بَعْدُ . فَيَا عِبَادَ اللهِ إِتَّقُواللهَ حَقَّ تُقَاتِهِ وَلَا تَمُوْتُنَّ اِلَّاوَاَنْتُمْ مُسْلِمُوْنَ . فَقَالَ تَعَالَى إِنَّ اللهَ وَمَلَاَئِكَتَهُ يُصَلُّوْنَ عَلَى النَّبِيِّ يَآ أَيُّهَا الَّذِيْنَ اَمَنُوْ صَلُّوْ عَلَيْهِ وَسَلِّمُوْ تَسْلِيْمًا اَلّلهُمَّ صَلِّ عَلَى سَيِّدِنَا مُحَمَّدٍ وَعَلَى اَلِهِ وَأَصْحَابِهِ وَقَرَبَتِهِ وَ اَزْوَاجِهِ وَذُرِّيَّاتِهِ اَجْمَعِيْنَ وَرَضَ اللهُمَّ عَنْ كُلِّ الصَّحَابَةِ اَجْمَعِيْنَ وَ عَنِ التَّابِعِيْنَ وَمَنْ تَبِعَهُمْ بِإِحْسَانٍ اِلَى يَوْمِ الدِّيْنِ اَلَّلهُمَ اغْفِرْ لِلْمُسْلِمِيْنَ وَ لْمُسْلِمَاتِ  اَلْمُؤْمِنِيْنَ وَالْمُؤْمِنَاتِ اَلْأَحْيَاءِ مِنْهُمْ وَلْأَمْوَاتِ اِنَّكَ سَمِيْعٌ قَرِيْبٌ مُجِيْبُ الدَّعْوَات وَيَاقَاضِيَ لْحَاجَات

رَبَنَا اغْفِرْلَنَا وَلِوَالِدَيْنَا وَارْحَمْهُمَاكَمَا رَبَّيَانَا صِغَاراً اَللَّهُمَّ اَرِنَ الْحَقَ حَقٌّا وَارْزُقْنَا التِّبَاعَه وَاَرِنَا الْبَاطِلَ بَاطِلًا وَارْزُقْنَا جْتِنَا بَه رَبَّنَااعْفِرْلَنَاوَلِإِخْوَانِنَاالَّذِيْنَ سَبَقُوْنَا بِالْإِيْمَانِ وَلَاتَجْعَلْ فِى قُلُوْبِنَاغِلًّالِلَّذِيْنَ اَمَنُوْا رَبَّنَاإِنَّكَ رَؤُوْفٌ رَحِيْمٌ  رَبَّنَا آتِنَا فِى الدُّنْيَا حَسَنَةً وَفِى الْآخِرَتِ حَسَنَةً وَقِنَا عَذَابَ النَّارِ عِبَادَ الله اِنَّ اللهَ يَعْمُرُ بِالْعَدْلِ وَالْإِحْسَانِ وَإِيْتَائِذِ الْقُرْبَى وَيَنْهَى عَنِ الْفَخْشَاءِ وَالْمُنْكَرِ وَلْبَغْيِ يَعِظُكُمْ لَعَلَّكُمْ تَذَكَّرُوْنَ فَذْكُرُواللهَ الْعَظِيْمَ يَذْكُرُكُمْ  وَسْأَلُوْهُ مِنْ فَضْلِ يُعْطِكُمْ وَلَذِكْرُ اللهِ اَكْبَرْ وَللهُ يَعْلَمُ مَا تَصْنَعُوْنَ